AFISA ELIMU SEKONDARI AKAGUA MRADI,SHULE YA SEKONDARI FUNGUNI.

siku ya kuwekwa : February 16th, 2024

Afisa Elimu Sekondari ndg Bahati Onesmo akiambatana na Afisa Elimu Awali na Msingi ndg Reonard Komba wameungana na Wahandisi Bi Faraja Lugusi na James Mnyambe kukagua mradi wa ujenzi  wa Vyumba vinne vya darasa na matundu saba ya vyoo katika Shule Sekondari Funguni, Wilayani Pangani.

Ukaguzi huo umefanyika leo Tarehe 16 Februari 2024, ambapo Mhandisi amewataka mafundi kufanya kazi kwa bidii na Weledi ili kuwezesha mradi huo kukamilika kwa wakati na kutoa huduma.

Aidha kwa upande wake Afisa Elimu Sekondari ndg Bahati Onesmo amesema mradi huu wenye  thamani ya  Shilingi milioni 116, Fedha kutoka Serikali Kuu, utaendelea kutoa fursa muhimu za wanafunzi kujifunza kwenye mazingira bora zaidi pindi tu utakapokamilika.

Kwa upande wake Mkuu wa Shule hiyo ndg Nassoro Gamba ameishukuru Serikali ya Awami ya Sita chini ya Mhe Rais Dkt Samia Suluhu Hassan,  kwa kuwezesha mradi huu wenye faida nyingi kwa Wanafunzi pamoja na uongozi mzima wa Wilaya ya Pangani kwa kuwa mstari wa mbele katika kusimamia miradi ya maendeleo.

Hadi sasa mradi huu upo katika hatua za msingi na ujenzi  unaendelea.