Afisa Lishe Wilaya ya Pangani awasilisha Taarifa ya Afua za Afya na Lishe

siku ya kuwekwa : February 15th, 2024

Afisa Lishe  wa Halmashauri ya Wilaya  ya Pangani ndg Daud Mwakabanje leo Februari 15, 2024,  amewasilisha taarifa mbalimbali za Afua za Afya na Lishe zilizotekelezwa na idara mbalimbali katika kipindi cha robo ya Pili kuanzia Oktoba hadi Disemba, 2023/2024.

Aidha amehimiza kuwa ni jukumu la kila mmoja kuhakikisha anatekeleza Afua zote Muhimu za  Lishe ikiwa ni pamoja na Mapishi ya Mfano pamoja na upimaji wa uwiano wa uzito na urefu.

Kwa upande wake ndgu Sahera Mganga ambae ni mjumbe wa kamati ya Afya na Lishe ameipongeza ofisi ya Mkurugenzi Mtendaji  kupitia idara ya  Elimu Msingi na Awali pamoja na Idara ya Elimu Sekondari kwa kuhakikisha Shule zote Wilayani Pangani zinatoa  Chakula Shuleni ikiwa ni utekelezaji wa Afua za Afya na Lishe.