CHUO CHA MWEKA CHATOA MSAADA KITUO CHA KULELEA WATOTO YATIMA, PANGANI.

siku ya kuwekwa : September 21st, 2024

CHUO CHA MWEKA CHATOA MSAADA KITUO CHA KULELEA WATOTO YATIMA, PANGANI.

Mkuu wa Chuo cha Usimamizi wa Wanyama Pori ( MWEKA) leo Septemba 23,2024, ameambatana na watumishi mbalimbali kutembelea na kutoa msaada kwa Watoto wanaolelewa katika Kituo cha Micap Village Kilichopo kata ya Bweni Wilayani Pangani.

Akizungumza mara baada ya kukabidhi msaada huo, kwa niaba ya Mkuu wa chuo hicho Dkt Kwaslem Malle amesema kuwa chuo cha MWEKA kimetoa msaada huu kama ishara ya kuonyesha upendo pamoja na kuwapa tabasamu watoto hawa. 

"Watoto wanaoishi kwenye mazingira magumu wanahitaji kuonyesha upendo. Sisi taasisi ya Usimamizi wa Wanyama Pori na hasa wafanyakazi tumefarajika sana kujumuika na watoto wanaolelewa kwenye kituo hiki". Alisema.

Akizungumza mala baada ya kupokea msaada huo Msimamizi wa kituo Bi. Anna amesema kuwa anawashukuru Watumishi wa chuo cha MWEKA kwa kuwakumbuka watoto hawa na kuwapa tabasamu na furaha.

" Tunachukua watoto na tunawasomesha mpaka chuo kikuu, hadi pale ambapo wanakuwa na uwezo wa kujitegemea".

Msaada uliotolewa ni pamoja na Mchele, Unga, Sabuni, Mafuta ya kupikia, Taulo za kike, Vinywaji na zawadi nyingine za kuwapa Watoto faraja.