DAS PANGANI ASISITIZA UMUHIMU WA LISHE BORA KWA JAMII

siku ya kuwekwa : January 27th, 2025

Tarehe 27 Januari 2025, Katibu Tawala wa Wilaya ya Pangani, Bi. Ester Gama, alifungua na kuongoza kikao cha tathmini ya Mkataba wa lishe kwa robo ya pili ya mwaka 2024/2025, kilichofanyika katika ukumbi wa Hospitali ya Wilaya ya Pangani.

Katika ufunguzi wa kikao hicho, Katibu Tawala alisisitiza umuhimu wa lishe kama suala la kitaifa, akimpongeza Rais Samia Suluhu Hassan kwa kuwa mstari wa mbele katika kuboresha afya za watoto.

Kwa upande wake kaimu Afisa Lishe Wilaya ya Pangani, Bw. Revogath Assey alisoma taarifa ya maendeleo ya lishe kwa robo ya pili, akieleza kuwa divisheni ya lishe imefanikiwa kutoa elimu na unasihi kuhusu lishe, kushiriki mafunzo ya utambuzi, udhibiti, na matibabu ya utapiamlo mkali kupitia mradi wa afya himilivu uliofadhiliwa na shirika la Amref.

Aliongeza kuwa Divisheni imefanikiwa Kushiriki katika mwezi wa afya na lishe, ambapo watoto 9433 walipatiwa matone ya Vitamini A, sawa na asilimia 97.83%.

Aidha, Bw. Aseyi alieleza kwamba divisheni ya lishe ilifanikiwa pia kufanya maadhimisho ya Siku ya Afya na Lishe ya Kijiji (SALiKi) na kutoa elimu kuhusu ulaji bora kwa wagonjwa wa Kisukari.

Wajumbe walisisitiza umuhimu wa lishe bora kwa wanafunzi na kuhimiza wazazi kutoa ushirikiano ili watoto waweze kupata chakula bora Shuleni.