DC GIFT AHIMIZA JAMII KUONGEZA NGUVU MALEZI BORA KWA WATOTO

siku ya kuwekwa : September 9th, 2024

DC GIFT AHIMIZA JAMII KUONGEZA NGUVU MALEZI BORA KWA WATOTO.

Hayo yamefanyika mapema leo Septemba 9,2024 katika kijiji cha Madanga wakati wa ziara yake ya kikazi.

Mhe Gift Isaya Msuya amesema kuwa jukumu la kulea watoto ni letu sote, tuitunze jamii yetu ili iwe bora kwa vizazi vijavyo.

" Jamii isisahau nafasi yake kuhakikisha malezi bora ya watoto wetu, nimesikia hapa kuna vitabia vinaendelea taratibu ambavyo Sisi kama jamii tunapaswa kuendelea kuvipiga vita visiendelee".

Wazazi wameshauriwa kutenga muda wa kukaa na watoto wao na kujenga mahusiano mazuri ya kirafiki na ya ukaribu ili kuwaweka karibu watoto na kuwafanya wawajue wazazi wao vizuri.

Aidha mhe Gift Isaya ameitaka jamii kuendelea kuipa thamani polisi jamii ili kuweza kukabiliana na matukio mbalimbali katika jamii.