DC GIFT ISAYA AONGOZA KIKAO CHA LISHE

siku ya kuwekwa : November 11th, 2024

Mkuu wa Wilaya ya Pangani mhe Gift Isaya Msuya leo tarehe 11 Novemba, 2024, ameshiriki kikao cha Tathmini ya Mkataba wa Lishe katika ukumbi wa Halmashauri ya zamani

Mhe Gift ameipongeza timu ya Lishe ikiongozwa na Afisa Lishe Wilaya ndg Daud Mwakabanje kwa kuendelea kuifikia jamii na kuipatia elimu juu ya masuala mbalimbali ya Lishe.

Kwa upande wake Afisa Lishe Wilaya ndg Daud Mwakabanje amesema kuwa hali ya lishe katika Wilaya ya Pangani iko vizuri kwa asilimia 100.

" Tunaendelea kutoa elimu kwa jamii kupitia Maadhimisho ya siku ya Afya na Lishe, mitandao ya Kijamii pamoja na Radio Pangani fm, lengo ni kuhakikisha wananchi wanapata elimu sahihi ya lishe" Alisema.

Aidha ameongeza kuwa afua mbalimbali za lishe zimetekelezwa ikiwemo utoaji wa Elimu ya Lishe, Upimaji wa Uwiano wa Urefu na Uzito, pamoja na Afya Gulio ikiwa ni sehemu ya kuhakikisha agenda ya Lishe inafika kwa kila mwananchi.