DC MUSSA KILAKALA AKAGUA UJENZI WA MRADI WA MAJI KATA YA KIPUMBWI.

siku ya kuwekwa : July 10th, 2024

Mkuu wa wilaya ya Pangani Mhe. Mussa Kilakala ametembelea ujenzi wa mradi wa maji katika kata ya Kipumbwi Wilayani Pangani.

Ziara hiyo ya Mhe. Mussa Kilakala imefanyika leo Julai 10, 2024 ambapo ameambatana na kamati ya Usalama wilaya,Wakuu wa taasisi pamoja na kaimu Mkurugenzi Mtendaji wa Halmashauri ya Wilaya ya Pangani.

Akitoa taarifa ya maendeleo ya mradi huo Meneja wa RUWASA-PANGANI ,Mhandisi Rajabu amesema mpaka sasa mradi umefikia asilimia 75% ya utekelezaji.

Aidha mhandisi amebainisha gharama za mradi huu ambapo amesema ni kiasi cha shilingi milioni  703 na unatarajiwa kukamilika tarehe 30/09/2024 na utahudumia zaidi ya watu elfu 4990 wanaopatikana kijiji cha Kipumbwi.

Mradi huu utakapo kamilika utasaidia upatikanaji wa huduma endelevu ya maji safi na salama kwa wananchi.

#pangani pazuri

#wekeza Pangani