DC PANGANI AGAWA TUZO KWA WANAFUNZI NA WALIMU WALIOFANYA VIZURI KWENYE MITIHANI YAO YA DARASA LA SABA,KIDATO CHA NNE PAMOJA NA SITA

siku ya kuwekwa : August 24th, 2023

Mkuu wa Wilaya ya Pangani mhe Zainab Abdallah  Agosti 19,2023, ametoa tuzo kwa wanafunzi wa shule za msingi na Sekondari Wilayani Pangani waliofanya vizuri kwenye mitihani yao.

Akigawa tuzo hizo mbele ya Waziri wa Elimu Sayansi na Teknolojia Prof Adolf Mkenda, Mhe Zainab Abdallah, amesema kuwa Wilaya ya Pangani inatambua na kuthamini michango ya walimu na Wanafunzi waliojituma na kupata matokeo mazuri na leo tunaambatanisha zawadi zetu kama vile pesa vifaa vya kusomea pamoja na kutembelea hifadhi ya Taifa ya Saadan.

Miongoni mwa waliotunukiwa tuzo hizo ni Pamoja na Rais wa Jamhuri ya Muungano wa Tanzania Mhe SAMIA SULUHU HASSAN, ambae amepata tuzo ya Heshima, na Shule zilizofanikiwa kutunukiwa Tuzo hizo ni Shure ya Sekondari Tongani, Mwera,Funguni ,Shule ya Sekondari Kapuchini, Kikokwe.

Tuzo hizo zilizodhaminiwa na Taasisi mbalimbali za Serikali na mashirika binafsi,zimekabidhiwa kwa wahusika pamoja na wawakilishi.

Lengo la Tuzo hizo ni kuendelea kuleta hamasa kwenye sekta ya Elimu na kuwafanya vijana waendelee kujituma ili waweze kupata matokeo bora zaidi.

#niachenisome

#panganiinanitegemea