DC PANGANI AKUTANA NA WAKUU WA IDARA NA TAASISI, KUJADILI MAENDELEO.

siku ya kuwekwa : September 2nd, 2024

Leo Septemba 2,2024, mkuu wa Wilaya ya Pangani mhe Gift Isaya Msuya amekutana na kuzungumza na wakuu wa idara na vitengo pamoja na wakuu wa taasisi mbalimbali za Serikali ndani ya Wilaya ya Pangani.
Hayo yamefanyika leo katika ukumbi wa ofisi ya mkuu wa Wilaya ambapo mambo mbalimbali yamepata nafasi ya kujadiliwa kwa maendeleo ya Wilaya hiyo.
Mhe Gift Isaya ameeleza kuwa ni wakati sahihi kuhakikisha kuwa Wilaya yetu inapangwa vizuri kwani baada ya barabara ya Tanga, Pangani kukamilika, Wilaya hii itakuwa ni lango la Uchumi.

Aidha amewataka watumishi kushirikiana na jamii kuhakikisha kuwa wanalinda miundombinu mbalimbali ikiwemo barabara kwa maendeleo ya vizazi vijavyo.

Sambamba na hilo amewataka watumishi wote kufanya kazi kwa weledi mkubwa ili kuwahudumia wananchi.