ELIMU YA KINGA DHIDI YA MAJANGA YA MOTO KWA WANAFUNZI WA PANGANI YATOLEWA.

siku ya kuwekwa : May 30th, 2025

Tarehe 29 Mei 2025, Jeshi la Zimamoto na Uokoaji Wilaya ya Pangani limewapatia wanafunzi wa shule za Msingi na Sekondari elimu muhimu ya tahadhari dhidi ya moto.

Mkufunzi kutoka Jeshi la Zimamoto  ameendesha mafunzo hayo kwa vitendo na nadharia, yakilenga kuwaandaa vijana wetu kuwa mabalozi wa usalama majumbani na shuleni

Aidha elimu kuhusu majanga hayo ilitolewa ikiwemo Elimu ya namba ya dharura 114, Matumizi sahihi ya vizimia moto vya awali, tahadhari za kuchukua wakati wa majanga ya moto pamoja na aina zake .

Tunapongeza jitihada hizi za kuimarisha usalama na uelewa kwa wanafunzi wetu.