KAMATI YA KUDUMU YA BUNGE YA HESABU ZA SERIKALI ZA MITAA(LAAC) YATEMBELEA MIRADI YA MAENDELEO PANGANI

siku ya kuwekwa : March 26th, 2024

Mwenyekiti wa kamati ya kudumu ya bunge ya hesabu za Serikali za Mitaa (LAAC), Mhe Halima Mdee leo Machi 26,2024 amewasili na Kusalimiana na Uongozi wa Halmashauri ya Wilaya ya Pangani na Kusaini kitabu cha Wageni katika Ukumbi wa Mikutano wa Halmashauri ya Wilaya.

Mhe Halima Mdee ameambatana na wajumbe wa Kamati ya LAAC pamoja na wataalam kutoka Ofisi ya Rais TAMISEMI wakiwa na lengo la kutembelea na kukagua baadhi ya miradi ya maendeleo inayotekelezwa Wilayani Pangani.

Miradi ambayo kamati itetembelea ni pamoja na mradi wa Ujenzi wa Jengo la Wagonjwa wanaohitaji uangalizi maalum  (ICU) ambapo jumla ya Shilingi Milioni 250 ,fedha kutoka Serikali kuu zimetumika kukamilisha ujenzi wa mradi huo.