KAMATI YA SIASA MKOA WA TANGA,YAFANYA ZIARA KUKAGUA MIRADI YA MAENDELEO

siku ya kuwekwa : November 5th, 2023

Mwenyekiti wa CCM mkoa wa Tanga Cde Rajab A Abdallah (Mnec), ameongoza ziara maalumu yenye lengo la kukagua Miradi ya Maendeleo Wilayani Pangani.

Ziara hiyo imefanyika Novemba 3,2023, na imehudhuliwa na Viongozi mbalimbali wa CCM mkoa na Wilaya pamoja na Wataalamu kutoka Halmashauri ya Wilaya ya Pangani.

Aidha katika ziara hiyo ndugu Cde Rajab Abdallah ameipongeza ofisi ya Mkuu wa Wilaya ya Pangani mhe Zainab Abdallah kwa usimamizi mzuri wa miradi ya maendeleo pamoja na Ofisi ya Halmashauri ya Wilaya ya Pangani chini ya Mkurugenzi wake bwan Isaya Mbenje kwa kushiriki kikamirifu kwenye masuala ya utekelezaji wa miradi ya maendeleo katika Wilaya hii.

Kwa upande mwingine ameendelea kumpongeza mbunge wa jimbo la Pangani ambae ni Waziri wa Maji mhe Jumaa Aweso kwa kuisemea vema Pangani na kushirikiana na viongozi wake katika kuleta miradi ya maendeleo ikiwemo maji,ujenzi wa Veta,Shule,miundombinu muhimu katika Wilaya hio.

Hata hivyo mhe Rajab Abdallah ametoa rai kwa viongozi kuendelea kutatua kero mbalimbali kwa wananchi ili waweze kuwahudumia wananchi.

"Viongozi tunapaswa kuwakimbilia tunao waoongoza na sio kuwakimbia unaowaongoza", ndugu zangu tuwakimbilie tunaowaongoza.

Miradi iliyopata nafasi ya kutembelewa ni pamoja na ukarabati wa Hospitali ya Wilaya, ujenzi wa Shule Shikizi Stahabu pamoja na Soko kuu la Pangani.

#panganimpya

#hakunakilichosimama.