KIJIJI CHA KIGURUSIMBA CHAFANYA MAADHIMISHO SIKU YA AFYA NA LISHE.

siku ya kuwekwa : December 16th, 2023

Leo tarehe 16 Disemba 2023 Kijiji cha Kigurusimba kilichopo Wilayani Pangani kimefanya maadhimisho ya Siku ya Afya na Lishe.

Zoezi hilo lenye lengo la kutekeleza Mkataba wa Lishe katika  Halmashauri ya Wilaya ya Pangani limeendelea kutekelezeka kwa vitendo ikiwa ni pamoja na kutekeleza afua mbalimbali za Lishe.

Miongoni mwa Afua muhimu zinazotekelezwa ni pamoja na maadhimisho ya Siku ya afya na Lishe(SALiKi) yanayofanyika kila robo kwa kila kijiji.

Katika Utekelezaji wa  mkataba huo wa Lishe kijiji cha Kigurusimba kimefanikiwa kuadhimisha Siku ya Afya na Lishe.

Jumla ya Wananchi 68 (20 me na 48ke) wamehudhuria na kupatiwa Elimu ya Lishe na Elimu nyingine jumuishi.

Aidha, jumla ya watoto 40 wamepimwa hali zao za lishe kutumia kipimo cha muac na hali zao wote ziko vizuri(wote kipimo kimeonyesha alama ya kijani).

Pamoja na hayo huduma zingine zimetolewa ikiwemo kutoa matone ya Vitamini A na kufanya mapishi ya mfano.

#panganimpya