KIJIJI CHA MEKA CHAFANYA MAADHIMISHO SIKU YA AFYA NA LISHE.

siku ya kuwekwa : December 21st, 2023

Leo tarehe 21 Disemba 2023 Kijiji cha Meka kilichopo Wilayani Pangani kimefanya maadhimisho ya Siku ya Afya na Lishe.

Zoezi hilo lenye lengo la kutekeleza Mkataba wa Lishe katika  Halmashauri ya Wilaya ya Pangani limeendelea kutekelezeka kwa vitendo ikiwa ni pamoja na kutekeleza afua mbalimbali za Lishe.

Miongoni mwa Afua muhimu zinazotekelezwa ni pamoja na maadhimisho ya Siku ya afya na Lishe(SALiKi) yanayofanyika kila robo kwa kila kijiji.

Jumla ya Wananchi 53 ( 17 me na 36ke) wamehudhuria na kupatiwa Elimu ya Lishe na Elimu nyingine jumuishi.

Aidha, jumla ya watoto  35 (17ke na 18 me) wamepimwa hali zao za lishe kutumia kipimo cha muac na hali zao wote ziko vizuri(wote kipimo kimeonyesha alama ya kijani).

Pamoja na hayo huduma zingine zimetolewa ikiwemo kutoa matone ya Vitamini A na kufanya mapishi ya mfano.

#panganimpya