KIJIJI CHA MSARAZA CHAFANYA MAADHIMISHO SIKU YA AFYA NA LISHE.

siku ya kuwekwa : January 31st, 2024

Tarehe 31 Januari 2024 Kijiji cha Msaraza kata ya Bushiri Wilayani Pangani kimefanya maadhimisho ya Siku ya Afya na Lishe.

Zoezi hilo lenye lengo la kutekeleza Mkataba wa Lishe katika  Halmashauri ya Wilaya ya Pangani limeendelea kutekelezeka kwa vitendo ikiwa ni pamoja na kutekeleza afua mbalimbali za Lishe.

Miongoni mwa Afua muhimu zinazotekelezwa ni pamoja na maadhimisho ya Siku ya afya na Lishe(SALiKi) yanayofanyika kila robo kwa kila kijiji.

Jumla ya Wananchi 56 ( 16 me na 40 ke) wamehudhuria na kupatiwa Elimu ya Lishe, Kupima Uzito kwa watoto , kupima kipimo cha Muac kujua hali ya Lishe kwa watoto na Elimu nyingine jumuishi.

Jumla ya watoto 53  (29 ke na 24 me) wamepimwa hali zao za lishe kutumia kipimo cha muac na hali zao wote ziko vizuri(wote kipimo kimeonyesha alama ya kijani), hivyo hakuna mtoto mwenye utapiamlo.

Pamoja na hayo huduma zingine zimetolewa ikiwemo kutoa  kufanya mapishi ya mfano.

#panganimpya