KITENGO CHA USTAWI WA JAMII PANGANI CHA HITIMISHA MAFUNZO YA MALEZI KWA WAMILIKI WA VITUO HIVYO

siku ya kuwekwa : September 21st, 2024

Kitengo cha ustawi wa jamii Wilayani Pangani  Septemba 20, 22024,  kimehitimisha rasmi mafunzo ya malezi, makuzi na maendeleo ya awali ya mtoto kwa walezi na wamiliki wa vituo vya kutolea huduma hizo.

Mafunzo hayo yalilenga zaidi  kuisaidia Serikali katika utoaji wa huduma bora za malezi na makuzi pamoja na ulinzi na usalama wa mtoto awapo katika taasisi hizi za malezi ya watoto.

Aidha jumla ya washiriki 41 walihudhuria mafunzo hayo na wameahidi kufuata kanuni na taratibu, katika kuhakikisha watoto wanakuwa na mazingira salama ya kupata huduma hiyo.

Kwa upande wake afisa ustawi wa jamii kutoka Halmashauri ya Wilaya ya Pangani ndugu, THADEI KAMISA, amesisitiza kuwa _:

" vituo vya malezi pekee vyenye sifa ndivyo vitakavyo ruhusiwa kufanya kazi yaani vituo vilivyo sajiliwa na  kupatiwa leseni ya kuendesha huduma za malezi na vituo vya malezi pamoja na  walimu wenye sifa yani waliopata mafunzo pekee ndo watahusika kutoa huduma hiyo". Alisisitiza.