Kuelekea Kilele Cha Maadhimisho ya Wiki ya Unyonyeshaji Duniani.

siku ya kuwekwa : August 6th, 2024

Leo tarehe 06/08/2024, Afisa Lishe( W) Pangani, Bw.Daudi Mwakabanje ameshiriki kwenye kipindi cha Redio Pangani kwa ajili ya kutoa Elimu kwa jamii kuhusu unyonyeshaji wa Maziwa ya Mama Kwa mtoto.

Kupitia kipindi hicho, ameelimisha jamii kuhusu umuhimu wa kumnyonyesha mtoto ndani ya saa moja baada ya kuzaliwa, Umuhimu wa   kumnyonyesha mtoto maziwa ya mama pekee ndani ya kipindi cha miezi sita ya Mwanzo bila kumpa kitu chochote isipokuwa kwa ushauri wa Daktari pamoja na kueleza mbinu mbali mbali zinazoweza kufanikisha unyonyesha fanisi kwa mtoto.

Aidha, amesisitiza umuhimu wa Lishe Bora kwa mama anaenyonyesha ikiwa ni pamoja na kula milo mitatu kwa siku pamoja na asusa ili kuchagiza uzalishaji wa maziwa ya kutosha kwa mtoto.

Kilele cha maadhimisho ya Siku ya Unyonyeshaji halmashauri ya Wilaya Pangani yatafanyika kesho tarehe 07/08/024 katika kijiji cha Kimang'a.

Wananchi wote wameombwa kushiriki ili wanufaike na elimu Itakayotolewa kwa vitendo.