MAKAMU WA PILI WA RAIS APONGEZA UONGOZI WA PANGANI

siku ya kuwekwa : October 10th, 2023

Mhe Hemed Suleiman Abdulla, Makamu wa Pili wa Rais wa Zanzibar amefurahishwa na Mapokezi mazuri yaliyofanywa na Uongozi mzima wa Serikali ya Pangani.

Mhe Hemed ambae pia ni Mlezi wa Chama Cha Mapinduzi mkoa wa Tanga ameonyesha furaha hiyo leo Jumanne, Oktoba 10,2023, wakati wa Ziara yake ya kutembelea Wilaya zote za Mkoa wa Tanga ikiwa leo aliwasili hapa Wilaya ya Pangani.

"Mimi sina mashaka na Pangani, nimefurahishwa sana na mapokezi yenu na naamini viongozi wa Pangani ni mabingwa, lakini ili tuendelee kuyatekeleza haya ni lazima tukaonyeshe kwa vitendo".

Makamu wa Pili wa Rais ,ameongeza kuwa lengo la ziara hii ni kuendelea kuziunga mkono kwa vitendo juhudi za Mhe Rais Dkt Samia Suluhu Hassan, katika utekelezaji wa Ilani ya Chama na miradi yote ya maendeleo inayotekelezwa.

Ameongeza kuwa mimi sio mlezi wa kushindwa, mi nalea watu washindi, na nimesikia maono ya Serikali ya Mkoa wa Tanga na Serikali ya Wilaya ya Pangani, na nimefurahi sana kuletewa Waziri Kindamba katika mkoa wangu ninao ulea.

Hata hivyo amewakikishia viongozi wa Mkoa na Wilaya kuwa yale yote waliyo yawasilisha ameyachukua na anayafanyia kazi.

#pangani mpya

#hakuna kilichosimama