MAKAMU WA PILI WA RAIS WA SERIKALI YA MAPINDUZI YA ZANZIBAR,AFANYA ZIARA WILAYA YA PANGANI.

siku ya kuwekwa : October 10th, 2023

Leo Jumanne, Oktoba, 10,2023, Mhe. Hemed S Abdulla, makamu wa Pili wa Rais wa Serikali ya Mapinduzi ya Zanzibar ambae pia ni Mlezi wa CCM mkoa wa Tanga, amefanya ziara ya siku moja ya kutembelea Wilaya ya Pangani.

Mhe Hemed S Abdulla, ameambatana  na Viongozi mbalimbali wa mkoa wa Tanga akiwemo Mkuu wa Mkoa wa Tanga mhe Waziri Kindamba, Mwenyekiti wa CCM Mkoa Mhe Rajab Abdurrahman na Viongozi wa Wilaya akiwemo mkuu wa Wilaya ya Pangani mhe Zainab Abdallah, Mwenyekiti wa CCM wilaya mhe Abdallah Bonge pamoja na Viongozi mbalimbali  wa kamati za siasa kwa ngazi za Wilaya na Mkoa.

Makamu huyo wa Rais amewaomba  viongozi waendelee kuwajibika kwa nafasi zao katika kufanikisha utekelezaji wa miradi mbalimbali ya maendeleo.

Ziara hii inahusisha kuzitembelea Wilaya zote za Mkoa wa Tanga na kuendelea kukagua Miradi ya Maendeleo na kufungua fursa mpya za maendeleo zilizopo katika mkoa huu wa Tanga.

#panganimpya

#hakunakilichosimama