MAPOKEZI YA MWENGE WA UHURU MKOA WA TANGA

siku ya kuwekwa : April 9th, 2024

Mkuu wa Wilaya ya Pangani mhe Mussa Kilakala ameshiriki zoezi la kupokea Mwenge wa Uhuru uliokabidhiwa katika Mkoa wa Tanga,ukitokea Mkoa wa Kilimanjaro.

Hayo yamefanyika mapema leo Aprili 9,2024 katika Uwanja wa Mazinde Estate Korogwe, Tanga.

 Mhe Kilakala ameambatana na Mkurugenzi Mtendaji wa Halmashauri ya Wilaya ya Pangani Ndg Charles Edward Fussi,Mwenyekiti wa Halmashauri Mhe Akida Bahorera na Wataalam mbalimbali.

Mwenge wa Uhuru unatarajia kukagua miradi ya maendeleo katika Wilaya zote za mkoa wa Tanga.

Ikumbukwe kuwa Mwenge wa Uhuru utawasili katika Wilaya ya Pangani tarehe 16 Aprili, 2024 na utapokelewa katika viwanja vya Shule ya Msingi Masaika ili uweze kukagua miradi mbalimbali ya maendeleo katika Wilaya ya Pangani.

Kauli mbiu ya Mwenge wa Uhuru mwaka 2024 "Tunza Mazingira na Shiriki Katika Uchaguzi wa Serikali za Mitaa Kwa Ujenzi wa  Taifa Endelevu".