MILIONI 50 ZATUMIKA UJENZI NYUMBA YA MWALIMU 2 IN 1 ,SHULE YA MSINGI KIGURUSIMBA

siku ya kuwekwa : September 5th, 2023

Fedha kutoka Serikali kuu, jumla ya Shilingi Milioni 50, zimetumika kukamilisha ujenzi wa Nyumba ya Mwalimu (2 in 1 )katika Shule ya Msingi Kigurusimba.

Mradi wa ujenzi wa Nyumba hio ya Mwalimu umekamilika kwa asilimia 100, na shughuli iliopo ni uwekaji wa madirisha.

Mkuu wa Shule ya Msingi Kigurusimba Bwana Mashaka Hamisi ameishukuru Serikali ya Awamu ya Sita chini ya Rais Dkt Samia Suluhu Hassan kwa kuleta fedha za mradi huu.

"Asante sana mhe Rais pamoja na uongozi wote wa Halmashauri ya Pangani, chini ya uongozi wa Mkurugenzi Isaya Mbenje, Mkuu wa Wilaya mhe Zainab Abdallah Issa na Mbunge wa jimbo la Pangani pamoja na viongozi wote wa Pangani, kwa kuendelea kuipa kipao mbele elimu,nyumba hii ni bora na ni nzuri sana kwa makazi ya walimu pia".

Ujenzi huu umekamilika na walimu wataishi hapa katika mazingira rafiki na kuongeza ufanisi kwenye ufundishaji.