MKUU WA DIVISHENI YA KILIMO,MIFUGO NA UVUVI,ATOA ELIMU YA ZAO LA MWANI,KATIKA MAONYESHO YA WAFANYA BIASHARA

siku ya kuwekwa : September 20th, 2023

Mkuu wa  divisheni ya Kilimo,Mifugo na Uvuvi wa Halmashauri ya Wilaya ya Pangani Bw Zuberi, Katikati akiwa na Afisa Uvuvi Bi Erica Cornel pamoja na Afisa Lishe Bw. Daud Mwakabanje, wakitazama bidhaa mbalimbali katika banda la Halmashauri ya Pangani, leo Septemba 20,2023, Wakati wa Maonyesho ya Wafanya Biashara.

Baadhi ya bidhaa hizo ni pamoja na Zao la mwani wa baharini,unaopatikana Pangani, ambao unafaida mbalimbali za kiafya ikiwa ni pamoja na kusaidia afya ya utumbo,kuboresha udhibiti wa sukari kwenye damu, pamoja na kusaidia afya ya moyo.

Ikumbukwe kuwa Maonyesho hayo ya Wafanya Biashara Pangani yalizinduliwa hapo jana na  Mkurugenzi wa Shirika la Kuhudumia Viwanda Vidogo (SIDO), Bw Allen Yotham.

Maonyesho hayo yatadumu hadi Septemba 23,2023, yakiwa na dhamira chanya ya kuendelea kutoa fursa kwa Wafanya Biashara kuonyesha bidhaa zao na kuwakutanisha na Wajasiriamali kutoka maeneo mbalimbali.