MWAMBAO YAJADILI MAFANIKIO YA MRADI WA ECOFISH PANGANI

siku ya kuwekwa : August 29th, 2024

MWAMBAO YAJADILI MAFANIKIO YA MRADI WA ECOFISH, PANGANI.

Taasisi isiyo ya Kiserikali ya Mwambao Coastal Community Network Tanzania, imekutana na Wataalamu wa Halmashauri ya Wilaya ya Pangani, kujadili mafanikio ya utekelezaji wa mradi wa ECOFISH.

Hayo yamefanyika leo Agosti 29,2024, katika ukumbi wa mikutano wa Halmashauri ya Wilaya ya Pangani.

Akiwasilisha taarifa ya utekelezaji wa mradi huo ndg Tumaini Jackson afisa muhifadhi shirikishi amesema kuwa mradi huu ulianza kutekelezwa katika eneo la usimamizi wa pamoja wa USTASAKI CFM iliyoko Wilaya ya Pangani.

"Pangani ni eneo muhimu la kiikolojia linalojulikana kwa wingi wa viumbe hai na umuhimu wake katika kuendeleza maisha ya wanajamii kwani lipo katika chaneli ya ( PECA).

Amebainisha kuwa mradi huu ulijumuisha Vijiji vinne vya Usimamizi (BMUs) vilivyonufaika na mradi huu ambavyo ni Sange, Stahabu, Kipumbwi, na Ushongo na kueleza umuhimu wa BMU hizo ikiwa ni pamoja na usimamizi endelevu wa rasilimali za baharini na pwani katika eneo hilo.

Sambamba na hilo ndg Tumaini amebainisha mafanikio ya mradi huo ikiwemo kutoa mafunzo kwa jamii, utambulisho wa minyororo ya soko, utoaji wa mikopo ijulikanayo kama MKUBA, Ujenzi wa Matumbawe bandia ambapo hadi sasa jumla ya matumbawe 99 bandia yamejengwa katika kijiji cha Ushongo kwaajili ya kuendelea kuhifadhi Bayoanuwai.

Mradi huu umeleta matokeo chanya kwa jamii ikiwemo ushiriki wa wanawake, kuimarika kwa usimamizi, mikopo ya Mkuba.