PANGANI YASHIRIKI KUFANYA USAFI KUELEKEA MAADHIMISHO YA MIAKA 62 YA UHURU

siku ya kuwekwa : December 7th, 2023

PANGANI YASHIRIKI KUFANYA USAFI KUELEKEA MAADHIMISHO YA MIAKA 62 YA UHURU.

Kuelekea maadhimisho ya miaka 62 ya Uhuru wa Tanzania Bara inayoadhimishwa terehe 09 Disemba kila mwaka Wananchi pamoja na watumishi wa Wilaya ya Pangani kwa ushirikiano mkubwa wamefanya usafi wa Mazingira.

Zoezi hilo limefanyika leo Alhamisi tarehe 7 /12/2023  katika maeneo ya stendi kuu ya mabasi, Pamoja na Hospitali ya Wilaya ya Pangani.

Akizungumza katika shughuli hiyo ya ufanyaji usafi Diwani wa Viti maalumu  mhe Fatma Masawira. amesema kuwa sisi Wanapangani tunatambua umuhimu wa Uhuru na kama watumishi wa serikali ni jukumu la kila mmoja kusafisha mazingira yanayowazunguka kila siku.

Aidha ametoa wito kwa Wananchi wote kuwa wamoja kuelekea siku ya maadhimisho ya miaka 62 ya uhuru itakayofanuka tarehe 09 Disemba mwaka 2023.

Kwa upande wake Mganga Mkuu wa Halmashauri ya Wilaya ya Pangani ndg Ramadhani Hussein amesema kuwa anawapongeza Watumishi na Wananchi kwa kufanya usafi kwa ushirikiano na muitikio mkubwa katika kuelekea  maadhimsho ya miaka 62 ya Uhuru ndani ya halmashauri ya wilaya ya Pangani.