RAIS SAMIA ATOA ZAWADI YA SIKUKUU YA EID KITUO CHA KULELEA WATOTO_PANGANI.

siku ya kuwekwa : April 10th, 2024

Pangani_Tanga

RAIS wa Jamhuri ya Muungano wa Tanzania mhe Dkt. Samia Suluhu Hassan ametoa zawadi ya Sikukuu ya Eid El-Fitr kwenye kituo cha kulelea watoto wanaoishi kwenye mazingira magumu (Micap Village).

Zawadi hizo zimekabidhiwa leo Aprili 10, 2024 kwa uongozi wa kituo hicho kilichopo katika Kijiji cha Bweni Wilayani Pangani.

Akikabidhi Zawadi hizo kwa niaba ya Rais Samia Mkuu wa Wilaya ya Pangani mhe Mussa Kilakala amesema kuwa._

"Rais amenituma salaam nyingi amesema niwambie kuwa anawapenda na Serikali inawajali  na ndio mana imeendelea kuwakumbuka hata katika siku na matukio muhimu kama hili la sikukuu ya Eid ul- fitr".

Akizungumza mala baada ya kupokea zawadi hizo msimamizi wa kituo hicho Bi  Anastazia amesema wamepokea kwa moyo wa Shukrani zawadi hizo na kwa niaba ya watoto anamshukuru, Rais Samia kwa upendo wake mkuu kwa watoto hao.

Miongoni mwa zawadi zilizotolewa ni pamoja na mchele,mbuzi,mafuta, sabuni na mahitaji mengine Muhimu kwa watoto hao.

Mhe Mussa Kilakala ameambatana na Katibu Tawala Wilaya Bi Ester Gama, Mkurugenzi Mtendaji ndg Edward Fussi,Mganga mkuu wa hospitali ya Wilaya, na Maafisa Ustawi wa Jamii wa Halmashauri ya Wilaya ya Pangani.