UJENZI WA ZAHANATI YA KIGURUSIMBA UPO HATUA ZA MWISHO KUKAMILIKA.

siku ya kuwekwa : September 12th, 2023

Halmashauri ya Wilaya ya Pangani kupitia Mapato ya Ndani (Own Source),imekamilisha Ujenzi wa Zahanati katika kijiji cha Kigurusimba kwa 95%.

Akikagua Mradi huo, Mkurugenzi Mtendaji wa Halmashauri, Bwan Isaya Mbenje, pamoja na Fundi Sanifu wa Ujenzi Bwan James Mnyambe,ameonyesha kuridhishwa na Maendeleo ya Ujenzi wa Zahanati hio, na kutoa pongezi nyingi kwa jitihada hizo

"Kipekee nimefarijika sana, na hizi juhudi za kuunga mkono jitihada za Serikali yetu, Tunamshukuru  Mh Rais Samia Suluh Hassan, Mkuu wa Wilaya ya Pangani mh Zainab Abdallah, Mbunge na Waziri wa Maji Jumaa Aweso,Mwenyekiti wa Halmashauri bwan Akida Bahorera ,Diwani wa Kata ya Masaika bwan,George Thadeo Mariano.

Ameongeza kuwa anaishukuru Nguvu kazi kubwa ya wanakijiji kwa kujitoa kwenye kukamilisha ujenzi wa Zahanati hii.

" Sisi kama Halmashauri tutaendelea kuboresha miradi yote inayoendelea kutekelezwa na Serikali".

Zahanati hii itaendelea kuwa msaada mkubwa kwa wananchi wa Kigurusimba pamoja na maeneo mengine ya Pangani,kwani kituo cha Mwanzo kilikuwa katika hali ya uchakavu sana.