UZIKWASA YATOA MAFUNZO YA MGUSO KWA WATUMISHI WA HALMASHAURI YA WILAYA YA PANGANI

siku ya kuwekwa : August 3rd, 2023

Shirika lisilo la kiserikali Wilayani Pangani la UZIKWASA limekutana na kutoa mafunzo kwa watumishi wa kada mbalimbali.

Mafunzo hayo yametolewa leo Agosti 2, 2023, katika Ofisi za Shirika la UZIKWASA zilizopo katika kijiji cha Boza wilayani Pangani Mkoani Tanga.

Akiongea mala baada ya ufunguzi wa mafunzo hayo  ya siku 3, Mkurugenzi wa Uzikwasa Bwan. Novatus Urasa  amesema kuwa tunawashukuru watumishi kwa kuitikia wito wa kuhudhuria mafunzo haya, yenye tija kwetu sisi kama sehemu ya jamii, mafunzo haya tutayapa jina la Uongozi Mguso hivyo wawezeshaji wetu wataeleza kiundani zaidi juu ya maana halisi ya uongozi mguso hasa katika jamii zetu.

Hata hivyo kwa upande wake muwezeshaji Bwana  Edward Sagut amesema kuwa lengo kuu la mafunzo ya uzikwasa ni pamoja na kuileta jamii karibu zaidi, kutatua baadhi ya changamoto zinazoikaikabili jamii yetu pamoja na kushiriki kikamilifu katika kutimiza wajibu wetu sisi kama watumishi katika jamii zetu.

Halima Ngoma mtumishi kada ya Afya kwa upande wake amesema kuwa nimepata elimu kubwa kupitia taasisi hii kwani imekuwa ni funguo kwangu imenijengea  uwezo wa kifikra na kujituma zaidi kwenye majukumu yangu ya kila siku.

Uzikwasa imekuwa ikitoa Mafunzo Mguso ya kuwezeshana katika uongozi na mbinu wezeshi katika kuwahudumia wananchi na kukabiliana na changamoto hususani ukatili wa kijinsia na mabadiliko ya tabia nchi, ili kuleta usawa, haki na maendeleo endelevu.