VYAMA VYA SIASA PANGANI VYAUNGANA KUHAMASISHA WANANCHI KUJIANDIKISHA KWENYE ORODHA YA WAPIGA KURA

siku ya kuwekwa : October 15th, 2024

Vyama mbalimbali vya siasa Pangani vyaungana kuhamasisha wananchi wa Wilaya hiyo kujitokeza na kujiandikisha kwenye orodha ya Wapiga Kura wa Serikali za Mitaa 2024.

Hayo yamebainishwa leo Oktoba 15, 2024 wakati wa kikao kilichofanyika katika ukumbi wa mikutano wa Halmashauri ( Mkoma) ambapo kiliwakutanisha Viongozi mbalimbali wa vyama vyote vya siasa wilayani Pangani.

" Tutapita kijiji cha Mwera, Mkalamo, Mkwaja, Kipumbwi, Mikinguni, Madanga, Ubangaa, Tungamaa, Ushongo, Bweni, kutoa hamasa kwa wananchi wote, tutawaeleza umuhimu wa tukio hili lenye manufaa kwa Taifa kwa ujumla". Alisema Mwenyekiti wa Vyama vya upinzani ndg Diblo

Ikumbukwe kuwa zimesalia siku 5 kuhitimisha zoezi hili la Kujiandikisha kwenye orodha ya Wapiga Kura wa Serikali za Mitaa, hivyo Viongozi hao wametoa rai kwa wananchi kuendelea kujitokeza kwa wingi.

" Serikali za Mitaa Sauti ya Wananchi, Jitokeze Kushiriki Uchaguzi".