WANANCHI WASHIRIKI KIKAMILIFU UJENZI WA BWENI LA WANAFUNZI WENYE MAHITAJI MAALUMU

siku ya kuwekwa : January 13th, 2024

Wananchi wa Kijiji cha Pangani Mashariki wameshiriki Msaragambo wa Ujenzi wa Bweni la Wanafunzi Wenye mahitaji Maalumu katika Shule ya Msingi Funguni.

Msalagambo huo umefanyika leo Januari 12, 2024, na kuongozwa na Ofisi ya Mtendaji wa Kijiji ambapo shughuli mbalimbali zimefanyika ikiwemo uchimbaji wa Msingi na Uwekaji wa mawe.

Mtendaji wa Kijiji cha Pangani Mashariki Bi Lilan Daud ameishukuru Serikali ya Jamhuri ya Muungano wa Tanzania na uongozi mzima wa Halmashauri ya Wilaya ya Pangani na pia amewapongeza Wananchi wote waliojitokeza na kuendelea kutoa wito kwa jamii kushiriki kikamirifu shughuli zote za maendeleo katika maeneo yao.

Jumla ya Shilingi Milioni 128 Fedha kutoka Serikali kuu zinatarajia kumaliza mradi huu na kutoa fursa kwa Wanafunzi wenye Mahitaji maalumu kujifunza katika mazingira bora zaidi.