WANANCHI WAVUTIWA NA ZAHANATI YA KIGURUSIMBA

siku ya kuwekwa : September 12th, 2024

Mkuu wa Wilaya  ya Pangani,Mhe Gift Isaya Msuya ameendelea na ziara yake ya kikazi leo Septemba 12, 2024, katika kijiji cha Kigurusimba kata ya Masaika, ambapo ametembelea na kujionea miundombinu ya Zahanati ya Kigurusimba.

Aidha wnanchi wamesema kuwa Zahanati hiyo imekuwa msaada mkubwa kwao, ikirahisisha huduma za afya ambazo awali walikuwa wakizifuata mbali.

Pia, wameeleza kufurahishwa na miradi mingine inayoendelea kwenye kijiji chao ikiwemo miundombinu, elimu, na upatikanaji wa huduma muhimu za kijamii.

Wametoa shukrani zao kwa serikali na kuahidi kushirikiana na uongozi wa Wilaya katika kuhakikisha miradi hiyo inakamilika kwa wakati.