WATUMISHI PANGANI WAPATA MAFUNZO KWA VITENDO

siku ya kuwekwa : July 16th, 2024

Watumishi wa Umma Pangani wapata mafunzo ya PEPMIS.

Pangani_Tanga.

Mafunzo hayo yamefanyika Julai 15, 2024 ambapo watumishi wa kata ya Kipumbwi na Mkwaja walifanikiwa kupatiwa mafunzo hayo.

Lengo la mafunzo hayo ni kuwajengea uwezo watumishi wa Umma ili waweze kutoa taarifa ya utekelezaji na kupimwa majukumu yao kupitia mfumo wa usimamizi wa utendaji kazi wa Utumishi wa Umma(PEPMIS).

Akifungua mafunzo hayo Kaimu Mkuu Kitengo cha TEHAMA  Bw Godfrey Peter amesema mafunzo haya ni muhimu  kwa watumishi wa Umma kwa kuwa watakuwa wanatoa taarifa ya utendaji kazi kwa usahihi na kupimwa kwa njia ya mfumo, hivyo ni muhimu kushiriki.

Sambamba na hilo mafunzo hayo yanaendelea kutolewa katika vituo mbalimbali, lengo ni kuendelea kuwajengea uwezo watumishi ili watekeleze majukumu yao kwa usahihi kwenye mfumo wa usimamizi wa utendaji kazi wa Utumishi wa Umma (PEPMIS)

Mafunzo hayo yameandaliwa na Ofisi ya Mkurugenzi Mtendaji wa Halmashauri ya Wilaya ya Pangani na yanatarajiwa kutolewa kwa watumishi wote waliopo Wilaya ya Pangani.