WAZEE PANGANI WAMPONGEZA RAIS SAMIA KWA MIRADI KABAMBE YA MAENDELEO.

siku ya kuwekwa : March 30th, 2024

Pangani, Tanga.

Leo Jumamosi 30 Machi, 2024 wazee wa Wilaya ya Pangani iliyopo Mkoa wa Tanga wamekutana na kufanya mazungumzo na Mkuu wa Wilaya hiyo Mheshimiwa MUSSA KILAKALA.

Katika mazungumzo hayo wazee hao walimpongeza Rais wa Jamhuri ya Muungano wa Tanzania Mheshimiwa Dkt. SAMIA SULUHU HASSAN kwa kazi kubwa na nzuri anayoifanya ya kuwaletea maendeleo katika Wilaya hiyo.

Wakizungumza katika kikao hiko kilichofanyika katika ofisi ya Mkuu wa Wilaya mhe Mussa Kilakala, wazee hao walisema"_

 Tunamshukuru Rais wa Jamhuri ya Muungano wa Tanzania Dkt Samia Suluhu Hassan kwa miradi mikubwa ya Maendeleo katika Wilaya yetu".

Aidha wamesema miongoni mwa miradi mikubwa na ya kihistoria ni pamoja na  kuwajengea Barabara ya Tanga - Pangani (Sadani - Bagamoyo) kwa kiwango cha lami ambapo hadi sasa mkandarasi yupo eneo la ujenzi (site), kuwaletea  mradi mkubwa wa maji wa  Miji 28 (Mto Pangani) wenye thamani ya Bilioni 177, kuwaletea Shilingi Million 900 kwa ajili ya ukarabati wa hospitali ya Wilaya, kujenga vituo vya afya, shule na kuendelea kuwajali na kuwaenzi wazee.