ZAHANATI YA KIGURUSIMBA SULUHISHO KWA WANANCHI WILAYANI PANGANI

siku ya kuwekwa : July 21st, 2023

Halmashauri ya Wilaya ya Pangani kupitia mapato ya ndani na nguvu kazi za wananchi imefanikiwa kujenga Zahanati bora na ya kisasa katika kijiji cha Kigurusimba.

Mradi huu ulianza Januari 22,2023,ambapo Halmashauri ilitoa fedha kiasi cha shilingi milioni 50 kwa awamu mbili tofauti ili kuruhusu ujenzi huo kuanza .

Hata hivyo wananchi wa Kigurusimba waliunga mkono juhudi hizo za Serikali kwenye mradi huo kwani walijitolea kusafisha eneo,kuchimba msingi,kumwaga zege na kuchangia kiasi cha pesa ili kufanikisha zoezi hilo

Akiongea na wanakijiji wa eneo hilo Mkuu wa Wilaya ya Pangani Mhe Zainabu Abdallah amesema kuwa Wanakigurusimba ni mfano bora wa kuigwa kwani Zahanati hii inaonyesha picha halisi na Matunda bora ya wananchi kujitoa na kusimamia vizuri fedha za Serikali yao".

#panganimpya

#kijijikwakijiji