BARAZA LA MADIWANI HALMASHAURI YA WILAYA YA PANGANI LAFANYA KIKAO CHAKE CHA KWANZA CHA ROBO, MWAKA 2024.

siku ya kuwekwa : May 16th, 2024

M

Baraza la Madiwani la Halmashauri ya Wilaya ya Pangani leo tarehe 16 Mei 2024 limekutana na kufanya Kikao chake cha kwanza katika mfululizo wa vikao viwili vya Baraza la Madiwani la Halmashauri, vikao ambavyo vimepangwa kufanya tarehe 16-17 Mei 2024.

Kikao hicho kimefanyika katika ukumbi wa zamani wa Halmashauri ambapo Taarifa za Utendaji kazi  kwenye ngazi ya Kata kwa robo ya Tatu mwaka 2023/2024 ziliwasilishwa.

Akipokea taarifa hizo Mwenyekiti wa Halmashauri ya Wilaya ya Pangani Mhe. Akida Bahorera aliwapongeza na kuwashukuru Waheshimiwa Madiwani wa Kata zote  14 kwa  kazi nzuri walizozifanya katika kipindi cha robo ya Tatu kuanzia mwezi Januari hadi Machi 2023/2024, ikiwa ni pamoja na kusimamia kwa ukaribu miradi mbalimbali ya maendeleo inayotekelezwa katika maeneo yao.

Taarifa za Utendaji kazi kwenye ngazi ya kata zilizowasilishwa ni pamoja na kata ya Mikinguni, Kipumbwi,Mkwaja,Tungamaa,Mwera,Bweni,Pangani Magharibi, Pangani Mashariki, Kimang'a Madanga, Bushiri, Masaika , Mkalamo na Ubangaa, ambapo waheshimiwa walitoa michango yao mbalimbali juu ya utekelezaji wa miradi hiyo.