HUDUMA YA MAJI SAFI NA SALAMA YAWAFIKIA WANANCHI WA MKWAJA

siku ya kuwekwa : June 26th, 2025

Hatimaye, ndoto ya maji safi na salama kwa wakazi wa Kijiji cha Mkwaja, Wilayani Pangani inatimia

Kupitia upanuzi wa mradi wa maji kutoka Mikocheni, jumla ya wananchi 2,081 watanufaika moja kwa moja kupitia Vituo 13 vya kuchotea maji (DPs) vilivyokamilika pamoja na Maunganisho ya maji majumbani yanayoendelea.

Lengo kuu la mradi huu ni kuondoa adha ya ukosefu wa maji safi na kuimarisha afya, elimu na maendeleo ya kiuchumi kwa jamii ya Mkwaja.

Ofisi ya RUWASA Wilaya ya Pangani kwa niaba ya wananchi wa kijiji cha Mkwaja inatoa pongezi kwa Rais wa Jamhuri ya Muungano wa Tanzania Mhe. Dkt. Samia Suluhu Hassan kwa fedha za ujenzi wa mradi huu ambao utawapunguzia wanajamii wa kijiji cha Mkwaja adha ya kutumia muda mrefu wa kutafuta maji badala ya kutumia muda huo kwenye shughuli za kiuchumi.