KAMATI YA SIASA YA WILAYA YA PANGANI YARIDHISHWA NA MRADI WA SHULE YA SEKONDARI MASAIKA

siku ya kuwekwa : December 11th, 2023

Kamati ya Siasa Wilaya ya Pangani yaridhishwa na utekelezaji wa mradi wa ujenzi wa Shule Mpya ya Sekondari Masaika.

Hayo yemethibitishwa leo Disemba 11,2023, wakati wa ziara ya Kamati ya Siasa iliyoongozwa na Mwenyekiti wa CCM Wilaya ya Pangani Cde Abdallah M Abdallah pamoja na wajumbe mbalimbali.

Aidha kamati imeipongeza ofisi ya Mkurugenzi Mtendaji wa Halmashauri ya Wilaya ya Pangani kwa usimamizi mzuri wa miradi ya maendeleo pamoja na ushirikiano wa diwani wa kata hiyo kwa kuwa mstari wa mbele katika kuleta maendeleo ya Wilaya hii.

Akiongea mala baada ya kupokea taarifa ya utekelezaji wa Ujenzi wa Shule hii Katibu wa Chama Cha Mapinduzi Wilaya ya Pangani mhe Abdi Swala amesema  kuwa -"

"kazi nzuri imefanyika na sisi kama chama tumejionea, hivyo niwapongeze wote kwa kuendelea kuitekeleza Ilani ya Chama Cha Mapinduzi kwa vitendo".

Kwa upande wake Mkuu wa Wilaya ya Pangani mhe Zainab Abdallah ametoa shukrani nyingi kwa mhe Rais Dkt. Samia Suluhu Hassan kwa kuendelea kuleta fedha za miradi ya maendeleo katika Wilaya ya Pangani na kumpongeza mhandisi wa Wilaya ndg Iddi Maeda  kwa ufuatiliaji mzuri wa mradi huu mpaka kukamilika na kutoa rai kwa wananchi kuilinda miundombinu hiyo.

Mradi wa Ujenzi wa Shule ya Sekondari Masaika   utanufaisha wakazi wengi wa Wilaya ya Pangani kwani utaenda kutoa huduma bora za elimu kwa wakazi na maeneo jirani.