KIJIJI CHA MTANGO CHAFANYA MAADHIMISHO YA SIKU YA AFYA NA LISHE (SALiKi),

siku ya kuwekwa : September 5th, 2023

Mtendaji wa kijiji cha Mtango akishirikiana na wataalam mbalimbali kutoka  ofisi ya kata Mikinguni pamoja na wataalam  wa Afya kutoka Zahanati ya kijiji cha  Mtango wameshiriki katika maadhimisho hayo ambapo shughuli mbalimbali zimefanyika ikiwemo;  ugawaji wa Vyandarua  kwa akina mama wajawazito ,Kufanya tathimini ya hali ya Lishe kwa Watoto chini ya miaka mitano ,na kutoa  matone ya Vitamin A (routine)

Maadhimisho hayo yamefanyika  Septemba 1,2023 katika Zahanati ya Mtonga iliopo kijiji cha Mtonga Wilayani Pangani.

Jumla ya watoto waliofanyiwa tathimini ya hali ya Lishe kwa   kipimo cha MUAC ni Watoto 61 (21Me, 40Ke) ambapo hali zao za Lishe  iko vizuri kwamaana ya  kijani .

Aidha wataalamu hao wameendelea kutoa wito kwa wazazi kuendelea  kuwapatia watoto vyakula mchanganyiko ili kukidhi maana ya Lishe bora na hatimaye kuchangia katika kuondoa hali ya utapiamlo na udumavu katika kaya  na hatimaye kuimarisha hali ya Lishe kwa watoto