MWENGE WA UHURU WAZINDUA MRADI WA UJENZI WA JENGO LA RADIO PANGAN FM 107.5

siku ya kuwekwa : April 16th, 2024

Mwenge wa Uhuru umekagua na kuzindua mradi wa  Ujenzi wa jengo la Radio Pangani Fm 107.5 lililopo Boza Wilayani Pangani.

Hayo yamefanyika leo Aprili 16,2024 ,Mwenge wa Uhuru ulipotembelea na kukagua mradi huo.

Akiwasilisha taarifa ya mradi huo Mkurugenzi Mtendaji wa Asasi hiyo ya kiraia  ndugu Novatus Urassa amesema kuwa Pangani Fm  Radio inayomilikiwa na asasi ya  UZIKWASA ina lengo la kuwasaidia viongozi na wananchi kuwasiliana juu ya masuala mbalimbali ya kimaendeleo.

"Tunamshukuru Rais wa Jamhuri ya Muungano wa Tanzania mhe dkt Samia Suluhu Hassan kwa kuendelea kuweka Mazingira rafiki yanayowezesh a asasi za kiraia ikiwemo asasi hii kutekeleza majukumu yake ndani ya Nchi  yetu ".

Akizungumza mala baada ya ukaguzi wa mradi huo kiongozi wa mbio za Mwenge Kitaifa ndugu Godfrey Mnzava amesema kuwa_:

"Tunawapongeza sana watu hawa kwani hata TRA wameendelea kuwatambua katika ulipaji wa mapato, hivyo Mwenge wa Uhuru upo tayari kwa ufunguzi wa jengo hili".

Bwan Urassa ameongeza kuwa hadi sasa mradi huu umegharimu Shilingi milioni 777 fedha zilizotokana na wafadhiri ( Bread for the World kutoka Ujerumani) na kubainisha kuwa hadi sasa Pangani Fm Radio imetoa ajira za kudumu  33 ambapo wakike 14 na Wakiume 19.

Radio hii inatoa fursa kwa wananchi wa Pangani na maeneo jilani kupata habari mbalimbali zilopo ndani na nje ya nchi.

# "Tunza Mazingira na Shiriki Uchaguzi wa Serikali za Mitaa kwa Ujenzi wa Taifa Endelevu".#