WAFUGAJI KATA YA MADANGA,WILAYA YA PANGANI, WAPEWA ELIMU YA CHANJO YA MIFUGO.

siku ya kuwekwa : September 13th, 2023

Septemba 13,2023, Wataalamu kutoka  kata ya Madanga, ikiongozwa na Afisa Mifugo wa kata bwan Joe Mapunda, wamekutana na Wafugaji, na kuwapa Elimu ya chanjo ya Mifugo yao ikiwemo Ng'ombe, na Mbuzi.

Tukio hilo  limehudhuriwa na wafugaji, Mtendaji wa kata ya  Madanga bwan Rajab Shame, Mtendaji wa Jaira bwan Mtanzania Wasaa pamoja na Mtendaji wa Madanga bi Fatuma Muhaka, ambapo, wafugaji wameelezwa  kuwa ni muhimu  kuzingatia  sheria ili kuepuka migogoro mbalimbali, na kuhimizwa juu ya umuhimu wa chanjo.

"Faida za Chanjo kwa Mifugo ni pamoja na kukinga wanyama dhidi ya Ugonjwa wa Mapafu , hivyo kuchanja kutapunguza Vifo kwa  mifugo  na kupata Mifugo bora kwa matumizi na kuongeza pato kwa jamii hasa zinazojihusisha na ufugaji".

Kuelekea maadhimisho ya Wiki ya Chanjo Bwan Joseph ameongeza kuwa Chanjo kwa mifugo ni muhimu ili mifugo iwe salama na bora zaidi kwa matumizi, hivyo jamii ya Wafugaji wachanje Mifugo yao bila kukosa.