WAZIRI WA ELIMU SAYANSI NA TEKNOLOJIA PROF ADOLF MKENDA AVUTIWA NA KAMPENI YA NIACHE NISOME PANGANI INANITEGEMEA

siku ya kuwekwa : August 21st, 2023

Akionyesha hisia zake za furaha wakati wa uzinduzi wa Kampeni ya NIACHE NISOME PANGANI INANITEGEMEA, Agosti 19,2023, Prof. Adolf Mkenda amesema ni wakati sahihi kwa maeneo mengine kwa ujumla kuja Pangani kuendelea kujifunza zaidi juu ya masuala ya Elimu.

"Elimu ni Ufunguo wa maisha kwahio

ukimnyima Mtoto Elimu, Ume

mnyima Maisha, kwani mafanikio ya waliosoma ni chachu ya wengine kuongeza bidii kwenye kusoma".

Pangani mmefanya jambo zuri sana la kuigwa na maeneo mengine ili kuendeleza na kukuza Elimu, Tanzania, na kiukweli nimeona kazi nzuri sana na naomba tuendelee kushikamana.

Hata hivyo Waziri ameongeza kuwa ombi la ufunguzi wa chuo  cha Veta kilichopo Wilayani Pangani rasmi  kitaanza kufanya kazi mwezi wa tisa (9 ) mwaka huu na hii itajumuisha Vyuo vyote vya Veta

vilivyopo Mkoani Tanga kuanza kufanya kazi.

Prof. Adolf Mkenda ameongeza kuwa kutokana  na maelekezo ya Rais Dkt Samia Suluhu Hassan, Mkoa wa Tanga rasmi sasa unaenda kupata kampasi ya chuo kikuu cha Mzumbe, na hii itarahisisha Wanafunzi wetu kupata Elimu yao ya Chuo kikuu hapa hapa Mkoani Tanga.

#niachenisome#panganimpya