Kilimo

SEKTA YA KILIMO

80% ya wakazi wa Wilaya ya Pangani ni wakulima .

HALI YA UPATIKANAJI WA MVUA

Katika maeneo mengi ya Wilaya ya Pangani kumekuwa na hali ya ukosefu wa mvua ya kutosha hususani katika kipindi cha msimu wa masika na  vuli la mwaka jana, hivyo kusababisha uzalishaji wa mazao kuwa chini ya matarajio. Takwimu za mvua iliyoripotiwa katika kituo cha Pangani  kwa kipindi cha miaka mitatu iliyopita ni kama invyonekana  kwenye jedwali :

Hali ya upatikanaji wa mvua kwa kipindi cha mitatau

HALI YA UPATIKANAJI WA CHAKULA

Wilaya ya Pangani ina jumla ya kaya 14,513 zenye jumla ya wakazi 59502; Mahitaji ya Chakula kwa Wilaya ni Tani 13929 kwa mwaka.  Msimu wa masika mwaka huu 2015/16 kuna mavuno pungufu kutokana na mabadiliko ya hali ya hewa yaliyosababisha kupata mvua kidogo katika kata zote. Mazao ya chakula yanayolimwa ni Mahindi, Mpunga, Kunde, Ndizi, Muhugo na Viazi vitamu. Malengo ilikuwa kuvuna Tani 34,492 lakini kutokana na mabadiliko ya hali ya hewa tumeweza kuvuna Tani 8,913 za mazao ya chakula, hivyo kuna upungufu wa Tani 5,016 ukilinganisha na mahitaji halisi ya sasa ambayo ni Tani 13,929

Takwimu za uzalishaji wa mazao ya chakula kuanzia 2012 hadi 2016 ni kama inavyoonekana katika jedwali hapa chini.

Jedwali Na 05: Uzalishaji Mazao ya Chakula

MAZAO YA BIASHARA

Mazao ya Biashara yanayolimwa Wilayani Pangani ni Mkonge, Korosho, Minazi, Michungwa, Miembe na  Ufuta.

Takwimu za uzalishaji wa mazao ya biashara toka Mwaka 2013 hadi  2016 ni kama inavyoonekana kwenye jedwali hapa chini;

 uzalishaji wa mazao ya biashara kwa mwaka 2013 hadi 2016

USINDIKAJI WA MAZAO:

Wakulima wamekuwa wanafanya usindikaji wa mazao ya muhogo katika kata ya Madanga, alizeti kata ya Kipumbwi, mafuta ya nazi na makumbi ya nazi kata ya Pangani mashariki lakini kutokana na uzalishaji mdogo , usindikaji kwa kipindi hiki haukuwa mkubwa.

MAFANIKIO YA SEKTA YA KILIMO

Wakulima wa korosho Kijiji cha Sange wamenunuliwa mashine za ubanguaji korosho.

Vikundi 7 vya uzalishaji miche ya korosho vimeanzishwa na hadi 2016/17 jumla ya miche bora ya Mikorosho 120,000 na itagawiwa bure kwa wakulima.

• Kupitia mpango wa kuendeleza kilimo (ASDP) kikundi cha wakulima kijiji cha Mkalamo kimepatiwa trekta kubwa. Kwa kutumia trekta hili maeneo yanayolimwa yameongezeka kutoka ekari 300 hadi kufikia ekari 1,650 mwaka 2016
• Kijiji cha Boza kimeweza kununua trekta la mkopo kupitia mfuko wa pembejeo.Aidha idara kwa kushirikiana na taasisi Islamic help imepata trekta kubwa litakalosaidia kuwalimia wakulima wenye kipato kidogo
• Kupitia mpango wa kuendeleza Kilimo (ASDP) wakulima wa muhogo tarafa ya Madanga wamejengewa kituo cha kuchakata muhogo hivyo kuongeza mnyororo wa thamani  na kutatua changamoto ya soko la muhogo

•    Ushirika wa wakulima wa nazi wamenunua mashine za kuchakata makumbi ya nazi hivyo kuongeza thamani ya zao la minazi.