ELIMU DHIDI YA MPOX YATOLEWA, KIKAO CHA KAMATI YA AFYA YA MSINGI(PHC).

siku ya kuwekwa : September 2nd, 2024

Kamati ya afya ya msingi  (Primary Health Care) imeketi na kujadili kuhusu kampeni ya mtu ni afya pamoja na kutoa elimu ya ugonjwa wa Mpox.

Hayo yamefanyika leo Septemba 2, 2024, katika ukumbi wa zamani wa Halmashauri.

Akiwasilisha taarifa ya  hali ya Ugonjwa wa Mpox, afisa afya kutoka Hospitali ya Wilaya bi Mwanahamisi Ramadhan amesema,  Ugonjwa wa Mpox husababishwa na virusi vya monkeypox, na unaambukizwa kwa njia ya maji maji ya mwili, mfumo wa njia ya hewa na ngozi ya mgonjwa kupitia kugusana na kujamiana

Ameongeza kuwa dalili kuu ya Mpox ni upele wa melengelenge au vidonda vinavyoweza kuathiri uso, viganja vya mikono nyayo za miguu na sehemu za siri

Aidha amefafanua kuwa ugonjwa huu unaweza kutibiwa kwa kulazwa, kupatiwa tiba ya dalili, dawa ya kutibu kirusi pamoja na kupunguza ukali wa vipele.

Sambamba na hilo amesema kuwa hatua za kujikinga na ugonjwa huu ni kuepuka kugusana na mgonjwa wa Mpox ikiwemo kujamiiana, kunawa mikono mara kwa mara kwa maji tiririka na sabuni, kuwahi katika vituo vya huduma za afya, kuepuka kugusa nyama na damu za wanyama pori wanaougua na kupika vizuri mazao ya nyama kabla ya  kula.

Kikao kimewakutanisha , Mkurugenzi mtendaji wa Halmashauri, Kamati ya Usalama (W), Viongozi wa dini, pamoja na wasimamizi wa Shughuri za Afya.