WIZARA YA AFYA YAKABIDHI MASHINE YA KUCHANGANYIA MADINI JOTO KWENYE CHUMVI, PANGANI

siku ya kuwekwa : February 1st, 2025

Wizara ya Afya imekabidhi Mashine ya kuchanganyia madini joto kwenye chumvi yenye thamani ya shillingi milioni 18  kwa wanakikundi wanaojihusisha na uzalishaji wa chumvi Kijiji Cha Sange Wilayani Pangani.

Akikabidhi mashine hiyo,  Afisa Lishe Muandamizi kutoka ofisi ya Rais Tamisemi  Bi,Hamida leo Februari 1, 2025, amewataka wanakijiji kuzingatia utunzaji na usimamizi mzuri wa Mashine hiyo.

" Tutunze Mashine hii ili iweze kudumu Kwa muda mrefu na kuleta   manufaa  kwa mwanakikundi kwa ujumla,hasa katika kuboresha Afya na Lishe ". Alifafanua

Kwa upande wake Afisa lishe Mkoa wa Tanga Bi ,Sakina Mustafa amesema kuwa Mashine hiyo Ina thamani kubwa sana na malengo yake ni kuona Kijiji Cha sange wanazalisha chumvi yenye madini joto kwa kiwango chenye ubora.

Lakini pia ametoa elimu juu ya uchanganyaji  sahihi  wa madini joto kwenye chumvi na kuwataka kuacha kutumia njia asili ambazo si rafiki kwa Afya ya mwanadamu.

Akipokea mashine hiyo kwa niaba ya Mkurugenzi Mtendaji wa Halmashauri ya Wilaya ya Pangani Bi, Jenifa amesema

"Tunashukuru kwa mashine hii ambayo itaenda kuzalisha chumvi  yenye ubora Mnahaja ili kuweza kupandisha thamani ya bidhaa hiyo.

Ikumbukwe kuwa Wilaya ya Pangani ni moja kati ya Wilaya 33 Tanzania zenye uwezo wa kuzalisha chumvi kwa kiasi kikubwa .